सप्तरी – भारतमा पछिल्लो २४ घण्टामा ४२ हजार ९१६ जना कोरोना भाइरस संक्रमित डिस्चार्ज भएका छन्। यससँगै भारतमा संक्रमण मुक्त हुनेको संख्या ९० लाख १६ हजार २८९ पुगेको छ।

संक्रमण पुष्टि हुनेको संख्या भने घट्दै गइरहेको छ। एएनआइका अनुसार शुक्रवार थप ३६ हजार ५९४ जनामा कोरोना संक्रमण देखिएको हो। यससँगै भारतभर संक्रमितको संख्या ९५ लाख ७१ हजार ५५९ पुगेको छ। भारतमा कोरोना संक्रमणको अवस्था बढ्दै गइरहेको बताइएपनि परीक्षण घट्दा संक्रमितको संख्यामा कमी आइरहेको बताइन्छ।यस्तै, थप ५४९ जना संक्रमितको मृत्यु भएको छ। शुक्रवार बिहानसम्मको तथ्याकंका अनुसार संक्रमणका कारण मृत्यु हुनेको संख्या १ लाख ३९ हजार १८८ पुगेको छ।

हाल भारतमा ४ लाख १६ हजार ८२ जना सक्रिय कोरोना संक्रमित रहेका छन्।