काठमाडौं – महोत्तरीको बर्दिबास नगरपालिका ५ जंघा पुलमा कन्टेनर र ट्रक एक आपसमा ठोक्किँदा चार जना घाइते भएका छन्। दुर्घटनामा परे ३ जना गम्भीर घाइते भएका छन् भने एक जनाको अवस्था चिन्ताजनक छ।

कन्टेनर चालक ललितपुर माहाकाल गाउँपालिका ३ का ४२ वर्षीय राजु लामा ठाउकोमा चोट लागेर गम्भीर घाइते भएको इलाका प्रहरी कार्यालय बर्दिबासका इन्स्पेक्टर बालिष्टर सिंहले जनाए। लामालाई बर्दिबासस्थित शुभ स्वस्तिक हस्पिटलमा प्राथमिक उपचारपछि थप उपचारका लागि काठमाडौं पठाइएको छ।

ट्रकमा सवार सर्लाहीको ईश्वरपुर १२ घाँरीबथान बस्ने २२ की सुजता खड्काको टाउकोमा चोट लागेको छ। ट्रकका चालक बर्दिबास ३ बस्ने ३० वर्षीया रुमेश बराइली र सहचालक निरज परियारको शरीर र टाउकोमा गम्भचीर चोट लगेको छ। उनीहरुको बर्दिबासका अस्पतालमा उपचार भइरहेको प्रहरीले जनाएको छ।

पूर्व-पश्चिम महेन्द्र राजमार्गअन्तर्गत बर्दिबासबाट सर्लाहीतिर जाँदै गरेको ना३ख ६९६४ नम्बरको ट्रक र विपरित दिसाबाट भुस लोड गरेको प्र १-०२-००१ ख ९०९७ नं. को ट्रक एक आपसमा ठोक्किँदा दुर्घटना भएको हो।