धनकुटा – धनकुटाको सांगुरीगढी गाउँपालिका ६ मा भएको जिप दुर्घटनामा एक जनाको मृत्यु भएको छ । गोलखाडी–भेडेटार भित्रीकच्ची सडक खण्डमा भेडेटारबाट गोलाखाडीतर्फ जाँदै गरेको मे.१ ज २१६२ नम्बरको सुमो जिप मंगलबार राति अनियन्त्रित भई सडकमा पल्टिएको प्रहरीले जनाएको छ । दुर्घटनामा सांगुरीगढी–७ बस्ने वर्ष १९ कि श्रेया राईको मृत्यु भएको हो ।

सख्त घाइते राईलाई बीपी कोइराला स्वास्थ्य विज्ञान प्रतिष्ठान पठाइएकोमा उपचारको क्रममा राति मृत्यु भएको प्रहरीले जनाएको छ ।

जिप र चालक इलाका प्रहरी कार्यालय भेडेटारको नियन्त्रण रहेको छ । प्रहरीका अनुसार घटनाबारे थप अनुसन्धान भइरहेको छ ।