सप्तरी – अमेरिकाकाे चर्चित ब्यान्ड फू फाइटरका ड्रमर टेलर हकिङकाे निधन भएकाे छ । हकिङकाे पचास वर्षकाे उमेरमा निधन भएकाे हाे ।

‘हाम्रा प्यारा टेलर हकिन्सको दुखद र असामयिक निधनबाट फू फाइटर परिवार स्तब्ध भएको छ’, ब्यान्डले सामाजिक सञ्जालमा लेखेकाे छ ।

टेलर कोलम्बियाको बाेगाेटास्थित एक होटलमा मृत अवस्थामा फेला परेकाे स्थानीय मिडियाले जनाएका छन् ।

विभिन्न कलाकारहरूले उनकाे निधनमा श्रद्धाञ्जली दिएका छन् । उनकाे निधन के कारणले भएकाे हाे, यस बारेमा अनुसन्धान भइरहेकाे छ ।

सन् १९९७ मा उनी फु फाइटरमा आबद्ध भएका थिए ।