प्रश्नपत्र, उत्तरपुस्तिकालगायतका परीक्षा सामग्री सबै जिल्लामा पुगिसकेको छ । सातवटै प्रदेशमा सामाजिक विकास मन्त्रालय र जिल्ला परीक्षा समन्वय समितिको व्यवस्थापनमा एसइइ सञ्चालन हुने छ ।

पहिलो दिन अनिवार्य अङ्ग्रेजी विषयको परीक्षा हुनेछ । त्यस्तै, वेदविद्याश्रमतर्फ अनिवार्य संस्कृत भाषा र साहित्यको परीक्षा हुनेछ । बोर्डका अनुसार परीक्षामा देशभरबाट पाँच लाख १४ हजार परीक्षार्थी सहभागी हुने छन् ।

यसअघिका दुई शैक्षिक वर्षमा कोरोना महामारीका कारण विद्यालयले गरेको आन्तरिक मूल्याङ्कनकै आधारमा एसइइको नतिजा सार्वजनिक गरिएको थियो।