सप्तरी – खिल बहादुर गुरुङको निर्देशनमा बनेको फिल्म ‘मन्त्र’को गीत ‘घरी घरी’ सार्वजनिक भएको छ। सौगात मल्ल र दिया पुन फिचर्ड उक्त गीतलाई अल्मोडा र अप्सरा घिमिरेले गाएका छन्।

गीतको शब्द र संगीत सन्तोष सुनारको रहेको छ। संगीतको निर्माण ब्रिजेस श्रेष्ठले गरेका छन्। हिमाली भेगमा खिचिएको गीतको भिडियोमा दिया र सौगात हिमाली संस्कृति र भेषभुषामा देखिएका छन्।

गुरुङको निर्देशनम बनेको यो फिल्म वैशाख १६ गतेबाट प्रदर्शनमा आउँदै छ। हिमाली भेगमा भएको प्रेम कथालाई समेटिएको यो फिल्ममा सौगात र दियाले पहिलोपटक स्क्रीन सेयर गरेका छन्। दिया र सौगातसँगै फिल्ममा बुद्धि तामाङ, नमिता तामाङ, बीरबहादुर लामा र पासाङ छिरिङ शेर्पाको अभिनय रहेको छ।

परिछेद सेनको कथा रहेको फिल्मलाई समतेन भुटिया, सुनिल नेउरे र स्वयः सेनले लेखेका छन्। फिल्मलाई सुरेश कार्की, रवि राज कार्की र सुभा श्रेष्ठले निर्माण गरेका छन्।