काठमाडौं– काठमाडौंमा एक युवकलाई अपरहण गरेको आरोपमा प्रहरीले पाँच जनालाई पक्राउ गरेको छ।

लागुऔषध ब्राउन सुगर लुटपाट गर्न अपहरण गरेको आरोपमा प्रहरी वृत्त गौशाला र जिल्ला प्रहरी परिसर काठमाडौंको टोलीले पाँच जनालाई बिहीबार राति पक्राउ गरेको हो।

पक्राउ परेकाहरुको विवरण सार्वजनिक गरिएको छैन। परिसर काठमाडौंका प्रवक्ता एसपी दिनेशराज मैनालीले घटनाको अनुसन्धान भइरहेको र म्याद थप भएपछि विवरण सार्वजनिक गरिने नेपाल लाइभलाई जानकारी दिए।

‘अपहरण आरोपमा ५ जनालाई पक्राउ गरिएको हो। बाँकी विवरण म्याद थप भएपछि मात्रै सार्वजनिक हुन्छ,’ एसपी मैनालीले भने।