मुम्बई – बलिउड अभिनेत्री कंगना रनौत यतिबेला आफ्नो आगामी एक्शन थ्रिलर फिल्म ‘धक्कड’का कारण चर्चामा छिन् । कंगना रनौत फिल्मको प्रचारमा व्यस्त छिन् । यस्तै एक कार्यक्रममा कंगना रनौतले फेरि पनि बलिउडका चर्चित सेलिब्रेटीहरुबाट समर्थन नपाएको दाबी गरेकी छिन् ।

सो कार्यक्रममा कंगना रनौतले खुलेरै भनिन्,‘फिल्म इन्डस्ट्रीमा मानिसहरूले एकअर्कालाई प्रोत्साहन गर्छन् भन्ने विश्वास गर्नेलाई अभिनेता अजय देवगनले कहिल्यै साथ दिने छैन । सोही कारण उनीसँग कुनै फिल्ममा काम गर्न मन लाग्दैन ।’ कँगनाले अक्षय कुमारले आफ्नो कामको प्रशंसा गर्न व्यक्तिगत रूपमा फोन गरे पनि सार्वजनिक रूपमा समर्थन नगर्ने बताइन् ।

‘बलिउड बोनहोमी’को ’boutमा अजय देवगनको भनाइमा प्रतिको जिज्ञासामा कंगनाले भनिन्,‘अजय देवगनले मेरो फिल्मको प्रचार प्रसार तथा समर्थन गर्दैनन् । उनले अन्य फिल्महरूलाई समर्थन गर्न सक्छन् तर मेरोलाई पटक्कै गर्दैनन् ।’

अजय देवगनले आलिया भट्ट अभिनीत फिल्म गंगुबाई काठियावाडीमा सानो भूमिका निभाएका थिए। उनले यसअघि कंगना रनौतसँग वन्स अपन अ टाइम इन मुम्बई (२०१०), रास्कल्स (२०११), र तेज (२०१२) मा अभिनय गरिसकेका छन् । तर अक्षय र कंगनाले कुनै पनि फिल्ममा सँगै काम गरेका छैनन् । सोही कारण यो प्रसँगमा कंगना रनौतले अक्षय कुमारलाई पनि निशाना बनाएर भनिन्,‘अक्षय कुमारले मलाई फिल्म थलाइवीका लागि बधाई दिन फोन गरेका थिए । अक्षय कुमारले मलाई चुपचाप बोलाउँछन् । म तिम्रो थलाइवीलाई मन पराउँछु त भन्छन् तर उनले मेरो फिल्मको ट्रेलर ट्विट गर्दैनन् ।’

बलिउड सेलिब्रेटीहरूले कंगना रनौतको फिल्मलाई किन समर्थन गर्दैनन् वा प्रचार गर्दैनन् भनेर सोध्दा कंगनाले भनिन्,‘म ती कलाकारहरूको तर्फबाट जवाफ दिन सक्दिन । किन तिनीहरूले यसो गर्छन् भन्ने ’bout मसँग जवाफ छैन । अमिताभ बच्चनले मेरो फिल्मको टिजर किन सेयर गरे र त्यसपछि डिलिट गरे, मलाई त्यो पनि थाहा छैन र उनले किन यस्तो गरे भनेर धेरैको चासो चै राखे ।’

कंगना रनौतले अगाडि भनिन्, ‘अजय देवगन बरु महिला केन्द्रित फिल्म (गंगुबाई) मा केमियो (सानो) भूमिका निभाउँछन् । तर उनले मेरो फिल्ममा केमियो भूमिका गर्दैनन्, मेरो फिल्मको समर्थनसँगै यदि मेरो फिल्ममा केमियो भूमिमा निभाउने हो भने म उनीप्रति धेरै आभारी हुनेछु ।’ अर्जुन रामपालले आफ्नो फिल्ममा जसरी काम गरेका छन्, त्यसैगरी अजयले आफ्नो फिल्ममा काम गरिदिउन भन्ने यी अभिनेत्रीको आशा रहेको छ ।

कंगना रनौतले यस्तो गुनासो पोखिन,‘मलाई लाग्छ कि सबै कलाकारहरूले मलाई समर्थन गर्नुपर्छ, ’cause म उनीहरूलाई समर्थन गर्छु । द कश्मीर फाइल्स र शेर शाह जस्ता फिल्मको प्रशंसा गर्ने म पहिलो कलाकार हुँ ।’ आफुले सिद्धार्थ मल्होत्रा र करण जोहरको फिल्मको पनि खुलेर प्रशंसा गरेको उनले बताईन्, ‘ हो, मैले खुलेर प्रसँसा गरें, फोन मात्र गरिन । यो बन्धन तिनीहरू बीच अवस्थित छ, तर जब म सम्पर्क गर्छु तिनीहरू पारस्परिक छैनन् ।’ उनीहरुले आफुलाई कुनै दिन समर्थन गर्ने आशामा आफु रहेको यी अभिनेत्रीले बताएकी छिन् ।

कंगना रनौतको आगामी फिल्म ‘धाकड’ मे २० मा रिलिज हुँदैछ । यसमा अर्जुन रामपाल र दिव्या दत्तको पनि अभिनय रहेको छ । हालै सलमान खानले आफ्नो इन्स्टाग्राम अकाउन्टमा फिल्मको ट्रेलर सेयर गर्दै टोलीलाई शुभकामना दिएका थिए । सलमानको त्यो सहयोग पछि कंगनाले आफूलाई उद्योगमा एक्लो भएको बेला सलमानले साथ दिएको भन्दै खुलेर प्रसँसा गरिन् ।