पर्सा- पर्साको ठोरी गाउँपालिका–५ ठूलो बाघमोर्चा बस्ने २३ वर्षीय प्रवीण पाख्रिनको हत्यामा संलग्न रहेको आरोपमा प्रहरीले १७ वर्षीय किशोरलाई पक्राउ गरेको छ ।

ती किशोरलाई शनिबार पक्राउ गरिएको प्रहरीले जनाएको छ । सोही गाउँपालिका–५ बाघमोर्चा मन्दिरको छेउमा प्रवीणलाई जेठ ६ गते दिउँसो अज्ञात व्यक्तिहरूले ढुंगाले टाउको र अनुहारमा प्रहार गरी बेहोस अवस्थामा छाडी फरार भएका थिए ।

वीरगञ्जस्थित एलएस न्यूरो हस्पिटलमा उपचारको क्रममा आइतबार बिहान प्रवीणको मृत्यु भएको थियो । उक्त घटनामा संग्लन रहेको खुल्न आएका हाल फरार अन्य ३ जनाको खोजी भइरहेको प्रहरीले जनाएको छ ।

पक्राउ परेका किशोरमाथि ज्यानसम्बन्धी कसूरमा अनुसन्धान भइरहेको छ ।