काठमाडौं – झापाको मेचीनगर नगरपालिका–१५, ज्यामिरगढीमा मिनिट्रकको ठक्करबाट टेम्पो चालकको मृत्यु भएको छ । मेचीनगर–९ का अन्दाजी ४३ वर्षीय रमेश कटुवालको मृत्यु भएको हो ।

ठक्करबाट गम्भीर घाइते भएका उनको उपचारको क्रममा बिर्तामोडस्थित बीएन्डसी अस्पतालमा बुधबार साँझ सवा ६ बजे मृत्यु भएको जनाइएको छ ।

कटुवालले चलाएको प्रदेश १, ०१, ००१ ह ८६०१ नम्बरको सिटी सफारी टेम्पोलाई प्रदेश १, ०१, ००१ क ११४६ नम्बरको मिनिट्रकले हिजो साँझ करिब पौने ६ बजे ठक्कर दिएको थियो ।

दुर्घटनापछि फरार भएका मिनिट्रकका चालकको खोजी भइरहेको प्रहरीचौकी ज्यामिरगढीले जनाएको छ ।