सप्तरी – सप्तरीकाे बलान बिहुलमा गाउँपालिकामा आज मँगलबार स्थानिय बासी र प्रहरी बिच झडप भएकाे हाे ।

सप्तरी बलानबिहुल गाउँपालिका वडा नं.४ बेल्ही बस्ने घुरन साहको घरमा अबैध रुपमा कपडा लुकाई छिपाई राखेको जानकारी आधारमा जिल्ला प्रहरी कार्यालय सप्तरीमा जानकारी आउन साथ जि.प्र.का.सप्तरीबाट खटेकाे प्रहरी टोली र भन्सार कार्यालय राजबिराज तिलाठीको प्रतिनिधी समेत खटिगई घुरन साहको घर खानतलासी गर्न खाेज्दा केही स्थानिय समहुले प्रहरी माथी हुलहुजत तथा ढुङगामुडा गर्दा उक्त भिडलाई तितर बितर गर्न ३ राउण्ड हवाई फायर गरेका थिए ।

हावाई फायर हुदा कुनै मानविय क्षति नभएको थप मद्दतमा नेपाल प्रहरी र BOP सशस्त्र प्रहरी टोली समेत खटी गएको हाे । अवस्था सामान्य भएको, स्थानियबासीहरु कोही पनि घाईते नभएको, घुरन साहको घरबाट अबैध रुपमा बरामद भएको लत्ताकपडाहरु बरामद गरी जिल्ला प्रहरी कार्यालय ल्याई आवश्यक कारवाहीको लागी भंसार कार्यालय पठाएकाे छ।
स्थानियबासीहरुले प्रहरी माथी हुलहुजत तथा ढुङगामुडा गर्दा निम्न प्रहरीहरु घाईते भएका छन् ।
(१) प्र.स.ह.शिव शंकर साहको घुडा मुनी चोट
(२) प्र.ज.अनिल कुमार बस्नेतको छातिमा चोट
(३) प्र.ज.विशाल कुमार मिश्राको टाउकोमा चोट

हेर्नुहाेस भिडियाे :https://youtu.be/Ld7bsmvuNFI