एजेन्सी – पश्चिम युक्रेनको एक विद्यालयमा विद्रोहीको आक्रमणमा परी ४१ जनाको मृत्यु भएको छ । मृत्यु हुनेमा अधिकांश विद्यार्थी रहेको समाचार संस्था एपीले जनाएको छ । इस्लामिक स्टेट ग्रुप (आईएस) सँग सम्बन्धित विद्रोही समूहले शुक्रबार राति आक्रमण गरेका हुन् ।

एमपोन्ड्वेस्थित लिबिरिहा विद्यालयमा गरिएको आक्रमणमा परी आठ जना गम्भीर घाइते छन् । थुप्रै छात्राहरूलाई अपहरण गरिएको पनि स्थानीय अधिकारीहरूले जनाएका छन् । घटनाको जिम्मेवार कंगोस्थित एडीएफ समूह भएको बताइएको छ ।

विद्यालयकै आवासमा रहेर अध्ययनरत विद्यार्थी ६० जना थिए । सशस्त्र विद्रोही समूहले विद्यालय भवनमा आगलागी गरेको र खाद्यान्न पनि लुटेको युगान्डाको सेनाले जनाएको छ । अपहरणमा परेका विद्यार्थीको खोजी भइरहेको युगान्डा सरकारले उल्लेख गरेको छ ।