राष्ट्र बैंकमा प्रभावशाली मानिने नियमन विभागमा भुक्तानी प्रणाली विभागका गुरुप्रसाद पौडेलको सरुवा भएको छ । यस्तै वित्त व्यवस्थापन विभागमा रहेका मुकुन्द क्षेत्री जनशक्ति व्यवस्थापन विभागमा सरुवा भएका छन् । विदेशी विनिमय व्यवस्थापन विभागको प्रमुख रहेका रामु पौडेल वित्त व्यवस्थापनमा सरुवा हुँदा विदेशी विनिमय व्यवस्थापन विभागको जिम्मेवारी तुलसी घिमिरेले पाएका छन् ।

सुमनकुमार अधिकारीलाई सम्पत्ति तथा सेवा व्यवस्थापन विभागमा र ऋषिकेस भट्टलाई संस्थागत योजना तथा जोखिम व्यवस्थापन विभागको जिम्मेवारी दिने गरी १ महिना अगाडि जिम्मेवारी हेरफेर भएको थियो ।

१८ जना कार्यकारी निर्देशक रहेको राष्ट्र बैंकमा ६ जनाको जिम्मेवारी भने हेरफेर भएको छैन । जसमा गभर्नर कार्यालयका नेफिल मास्के, बैंक सुपरीवेक्षण विभागका देवकुमार ढकाल, मौद्रिक व्यवस्थापन विभागका पिताम्बर भण्डारी, आर्थिक अनुसन्धान विभागका डा. प्रकाशकुमार श्रेष्ठ, लघुवित्त संस्था सुपरीवेक्षण विभागका रेवतीप्रसाद नेपाल र आन्तरिक लेखापरीक्षण विभागका विमलराज खनालको जिम्मेवारी भने हेरफेर भएको छैन ।