राजविराज सप्तरी – राजविराजमा एक व्यक्तिको वेवारिसे अवस्थामा शव भेटिएको छ ।

प्रहरीका अनुसार राजविराज नगरपालिका वडा नम्बर १२ स्थित ठुलो नहरमा शव भेटिएको हो । शवको पहिचान भने हुन सकेको छैन् । नाम, थर, वतन खुल्न नसकेको तराई मुलको जस्तो देखिने अन्दाजी ४०/४२ बर्षका पुरुषको शव भेटिएको जिल्ला प्रहरी कार्यालयले जनाएको छ ।

मृत मानिसको हालसम्म पहिचान हुन नसकेको तथा निजको आफन्त यस कार्यालयको सम्पर्कमा नआएको हुँदा मृतकलाई पहिचान गर्ने जो कोहि व्यक्ति तथा आफन्तले जिल्ला प्रहरी कार्यालय राजविराज सप्तरीमा सम्पर्क गर्न प्रहरीले अनुरोध गरेको छ ।