काठमाडौँ – जारि प्रधानमन्त्री कपमा कर्णाली प्रदेश मधेस प्रदेशसँग ६१ रनले पराजित भएको छ । २ सय ३२ रनको लक्ष्य पछ्याउने क्रममा कर्णाली ४१.१ ओभरमा टोली १ सय ७० रनमा समेटिएको हो ।

टोलीका लागि अर्जुन घर्तीले १०५ बलमा ५८ रनको पारी खेले । उनलाई दिनेश अधिकारीले ३३ रन तथा विपिन शाहीले ३१ रन बनाएर राम्रो साथ दिए पनि टोली जीतसम्म पुर्‍याउन सकेनन् । मधेस प्रदेशका लागि राजेश यादवले ३ तथा प्रदीप पासवानले दुई विकेट लिए ।

यसअघि कप्तान हरिशंकर साह र अनिल साहको अर्धशतकको मद्दतले मधेसले निर्धातिर ५० ओभरमा ९ विकेटको क्षतिमा २ सय ३१ रन बनाएको थियो । दुवैले समान ५०–५० रन बनाए ।

त्यस्तै अविशेक तिवारीले ३४ रन बनाएका थिए । कर्णालीका लागि दीपेन्द्र रावतले ४ विकट लिए भने अनुज चनाराले २ विकेट लिए ।