चितवन – चितवनको भरतपुर अस्पतालमा पाठेघरको मासुको टुक्रा (बायोप्सी) निकाल्न खोज्दा एक महिलाको मृत्यु भएको छ । मृत्यु हुनेमा गैंडाकोट नगरपालिका वडा नं. ५ की ३९ वर्षीया सम्झना काफ्ले ढकाल रहेका छन् ।

पाठेघरमा सिष्ट भएको भन्दै मंगलबार अप्रेशन गरेर बायोप्सी निकाल्ने क्रममा उनलाई स्पाइनल एनेस्थेसिया (कम्मरभन्दा तलको भाग लठ्याउने औषधि) दिइएको थियो ।

तर औषधि दिनेवितिक्कै गम्भीर बिरामी परेका उनलाई आईसीयूमा राखेर उपचार गरिएपनि बचाउन नसकिएको अस्पतालका मेडिकल सुपरिटेण्डेन्ट प्रा.डा.कृष्णप्रसाद पौडेलले बताए । उनले घटना बारे थप बुझ्ने काम भैरहेको बताए । मृतकका आफन्तहरूले अस्पतालले उपचारमा गम्भीर लापरबाही गरेको बताएका छन् ।