काठमाडौँ – नेपाली राष्ट्रिय क्रिकेट टोलीले श्रीलंकामा आज दोस्रो अभ्यास खेल खेल्ने भएको छ । श्रीलंका डेभलपमेन्ट स्क्वाडसँग खेल्ने तीन एकदिवसीय खेलअन्तर्गत आज दोस्रो खेल हुन लागेको हो ।

यसअघि मंगलबार पहिलो खेल भने वर्षाले रद्द भएको थियो । नेपालले आइसीसी क्रिकेट विश्वकपको लिग – २ को तयारीका लागि श्रीलंकामा अभ्यास खेल्ने भएको हो । श्रीलंकामा अभ्यास खेल खेल्ने खेलाडीहरूमा कप्तान रोहित पौडेल, आसिफ सेख, अनिल शाह, देव खनाल, भीम सार्की, आरिफ सेख, कुशल मल्ल, सोमपाल कामी, करण केसी, गुलशन झा, रिजन ढकाल, ललित राजबंशी, आकाश चन्द, सागर ढकाल, सन्दीप जोरा, कुशल भुर्तेल, अर्जुन साउँद, दिपेन्द्रसिंह ऐरी र सन्दीप लामिछाने रहेका छन् ।