सप्तरी – सप्तकोशी नदीमा पानीको बहाव ५ लाख २१ हजार क्युसेक प्रति सेकेन्ड पुगेको छ ।

सप्तरीका प्रमुख जिल्ला अधिकारी मेख बहादुर मंग्रातीले सप्तरी र सुनसरीकोबीचमा रहेको कोशी ब्यारेजको ५६ वटै ढोका खोलिएको बताए । उनले आफूहरू कोशीको अनुगमन गरेर फर्केको र यहाँ पानीको बहाव बढ्दै गएको बताए ।

अविरल वर्षासँगै नदीनालामा पानीको बहाव बढेपछि सप्तरीको केही बस्ती समेत डुबानमा परेको उनले बताए । प्रमुख जिल्ला अधिकारी मंग्रातीले जिल्लामा खोलानालामा पानीहरु बढ्ने क्रममा रहेको र केही स्थानमा बस्ती डुबानको अवस्था रहेको बताए ।

उनले विस्थापित भएर अन्य बस्नुपर्नेहरुलाई स्थानीय तहसँग समन्वय गरेर अन्य ठाउँमा राख्ने व्यवस्था भएको बताए । बाढी तथा डुबानको कारण भने जिल्लामा अहिले कुनै घटना नभएको रिर्पोटिंग भएको उनले बताए ।