सप्तरी – बलिउड अभिनेता अक्षय कुमारको नयाँ फिल्मको नाम सार्वजनिक भएको छ। बलिउड हंगामा अनुसार, जगन शक्तिद्वारा निर्देशित यो फिल्मको नाम ‘मिसन लायन’ राखिएको छ।

‘मिसन मंगल’ का निर्देशक जगन शक्तिसँग अक्षयले पहिल्यै काम गरिसकेका छन्। २०१९ अगस्टमा सार्वजनिक जगन शक्ति निर्देशित अक्षयको ‘मिसन मंगल’ ले बक्स अफिसमा राम्रो व्यापार गर्न सफल भएको थियो। ‘मिसन लायन’ साइन्स-फिक्सन फिल्म हुने समाचारमा जनाइएको छ। भीएफएक्स प्रयोग गरिने यस फिल्ममा अक्षयको दोहोरो भूमिका रहनेछ।

फिल्मको सुटिङ सन् २०२१ को चौथो महिनादेखि सुरु गर्ने बताइएको छ।