सप्तरी ,विश्वमा कोरोना भाइरस संक्रमितको संख्या दुई करोड ६७ लाख बढी पुगेको छ ।

एकै दिन दुई लाख ८८ हजार सात सय ७१ जनामा संक्रमण पुष्टि भएपछि विश्वमा संक्रमित संख्या दुई करोड ६७ लाख ७२ हजार एक सय ४३ पुगेको हो । कोरोनाका कारण एकै दिन पाँच हजार पाँच सय ४१ जनाको मृत्यु भएपछि ज्यान गुमाउनेको संख्या आठ लाख ७८ हजार ६१ पुगेको छ ।

विश्वमा एक करोड ८८ लाख ७९ हजार आठ सय ६० जना संक्रमित उपचारपछि घर फर्किएका छन् । ७० लाख १४ हजार दुई सय २२ जना उपचाररत रहेकोमा ६० हजार नौ सय १८ जनाको अवस्था गम्भीर छ ।

संक्रमणबाट प्रभावित हुने मुलुकमध्ये पहिलो नम्बरमा रहेको अमेरिकामा हालसम्म ६३ लाख ८६ हजार चार सय ८३ जनामा संक्रमण पुष्टि भएको छ । पछिल्लो २४ घण्टामा ५१ हजार दुई सय ३९ जना नयाँ संक्रमित थपिए ।

अमेरिकामा ज्यान गुमाउनको संख्या एक लाख ९२ हजार ३२ पुगेको छ । एकै दिन नौ सय ७४ जना संक्रमितको मृत्यु भयो ।

३६ लाख ३० हजार तीन सय ८८ जना उपचारपछि घर फर्किएका छन् । २५ लाख ६४ हजार ६३ जना उपचाररत रहेकोमा १५ हजार ६९ जनाको अवस्था चिन्ताजनक छ ।

ब्राजिलमा ४५ हजार छ सय ५१ जना नयाँ बिरामी थपिएपछि संक्रमित संख्या ४० लाख ९१ हजार आठ सय एक पुगेको छ । कोरोना संक्रमित एक लाख २५ हजार पाँच सय ८४ जनाको मृत्यु भएको छ ।

३२ लाख ७८ हजार दुई सय ४३ जना उपचारपछि कोरोना जित्न सफल भएका छन् । छ लाख ८७ हजार नौ सय ७४ जना उपचाररत रहेकोमा आठ हजार तीन सय १८ जनाको अवस्था गम्भीर छ ।

छिमेकी मुलुक भारतमा पछिल्लो २४ घण्टामा ८७ हजार एक सय १५ जना नयाँ बिरामी थपिएपछि संक्रमित संख्या ४० लाख २० हजार दुई सय ३९ पुगेको छ । ६९ हजार छ सय ३५ जना संक्रमितले ज्यान गुमाइसकेका छन् । एकै दिन एक हजार ६६ जनाको मृत्यु भएको वाल्डो मिटरले जनाएको छ ।

३१ लाख चार हजार पाँच सय १२ जना संक्रमित उपचारपछि घर फर्किएका छन् । आठ लाख ४६ हजार ९२ जना उपचाररत रहेकोमा आठ हजार नौ सय ४४ जनाको स्वास्थ्य अवस्था खराब बनेको छ ।