विराटनगर – विराटनगर बसपार्कमा रोकिएको जनसेवा यातायातमा एक युवक मृत फेला परेको छ ।

झापाको केर्खाबाट विराटनगर आएका सो युवाको गाडीमै मृत्यु भएको प्रहरीले जनाएको छ । प्रहरीका अनुसार झापाको केर्खा घर भएका २६ वर्षीय युवक राजकुमार थापा किडनी को बिरामी रहेको थियो । बिहान केर्साबाट मे १ ख ३३३३ नम्बरको जनसेवा यातायात प्रा.लि.को बसमा चढेर आएका उनी विराटनगर बसपार्कमा झर्ने बेलामा मृत अवस्था फेला परेको प्रहरीले जानकारी दिए ।

सीटमै मृत अवस्थामा फेला परेका उनी अन्य समयमा समेत आउजाउ गरिने यात्रु रहेको जनाएको छ । प्रहरीले घटनाको विषयमा थप अनुसन्धान गरिरहेको छ ।उनी मृगौला रोगी भएको प्रारम्भिक अनुसन्धानबाट खुलेको जिल्ला प्रहरी कार्यालय मोरङका प्रहरी निरीक्षक कुन्दन देवले बताउनुभयो । प्रहरीले मृतकको साथमा रहेको मोवायलसहित अन्य सामाग्रीबाट प्रारम्भिक अनुसन्धान सुरु गरे,को हो ।