सप्तरी – आज १० जनवरीमा अभिनेता ऋतिक रोशन आफ्नो ४७औँ जन्मदिन मनाइरहेका छन् । यही उपलक्ष्यमा ऋतिकको मुख्य भूमिका रहने चलचित्र ‘फाइटर’ निर्माणको घोषणा्सहितको टिजर सार्वजनिक गरिएको छ ।

निर्माणको घोषणा हुनुअगावै चलचित्रमा दीपिका र ऋतिकको जोडी बाँधिने कुराले यो चलचित्रलाई चर्चामा तानेको थियो ।३० सेकेन्ड लामो टिजरमा चलचित्रको रिलिज मिति पनि घोषणा गरिएको छ । आफ्नो ट्वीटर ह्यान्डलमा टिजर सार्वजनिक गर्दै अभिनेताले लेखेका छन्, “मारफ्रिल्कसको भिजन फाइटरको छोटो झलक पेस गरेको छु । दीपिका पादुकोणसँगको पहिलो उडानका लागि उत्साहित छु । सिद्धार्थ आनन्दको यो रमाइलो यात्राका लागि तयार हुनुहोस् ।”

चलचित्रको सन् २०२२ सेप्टेम्बर ३० मा रिलिज मिति तोकिएको छ । चलचित्रको छायाँकन २०२१ को डिसेम्बरदेखि सुरु गरिनेछ ।अभिनेत्री दीपिकाले पनि ट्वीटरमा यो टिजर सेयर गर्दै लेखिन्, “सपना साँचै पूरा हुन्छन् ।”यस चलचित्रमा ऋतिक एयरफोर्स अफिसरको भूमिका निभाउँदै छन् । दीपिकाको भूमिकाबारे भने कुनै जानकारी बाहिरिएको छैन ।